ຂ່າວກິລາ

ແພັດທຣິກ ແຄນລີ້ ຊະນະເພອັອຟ ເດຊອມໂບ ຄວ້າແຊ້ມ BMW Championship 2021 ພ້ອມຄວ້າສິດໄປ Ryder Cup

Posted on by Vilaysone Vilayphone
31
Aug
ແພັດທຣິກ ແຄນລີ້ ນັກກັອຟຊາວອາເມຣິກາ ໄວ 29 ປີ ຊະນະດວນເພອັອຟ ໄບຣສັນ ເດຊອມໂບ ເພື່ອນຮ່ວມຊາດ ຄວ້າແຊ້ມ BMW Championship 2021 ໃນທ້າຍອາທິດຜ່ານມາ, ທັງສອງດວນເພອັອຟກັນເຖິງ 6 ຂຸມ ພາຍຫລັງຄະແນນເທົ່າກັນໃນ 4 ວັນ -27 ອັນເດີພາຣ.
ແຄນລີ້ ຮັບຂັນແຊ້ມພ້ອມເງິນລາງວັນ 1,710,000 ໂດລາສະຫະລັດ ຫລື ປະມານ 16 ຕື້ກວ່າກີບ ຫຍັບຂຶ້ນເປັນອັນດັບ 1 ຜູ້ນຳຄະແນນ FedExCup ມີ 4,302 ຄະແນນ ນຳອັນດັບ ໂທນີ້ ຟີໂນ 738 ຄະແນນ, ລຸ້ນຮັບເງິນໂບນັສ 2 ລ້ານໂດລາຫາກຈົບລາຍການສຸດທ້າຍຂອງລະດູການ ແລ້ວຈັ້ງຢູ່ເບີ 1 ຂອງ FedExCup.
ແຄນລີ້ ໄດ້ແຊ້ມລາຍການນີ້ເປັນຄັ້ງທຳອິດ ແລະ ເປັນແຊ້ມ ພີຈີເອທົວ ລາຍການທີ 5 ໃນອາຊີບ, ຫຍັບອັນດັບໂລກຈາກທີ 10 ມາຢູ່ທີ 4 ຂອງໂລກ, ພ້ອມຄວ້າສິດຕິດທີມຊາດອາເມຣິກາໄປຮ່ວມລາຍການ Ryder Cup ທີ່ຈະມີຂຶ້ນໃນວັນທີ 24–26 ກັນຍາ 2021 ທີ່ສະໜາມ Whistling Straits ລັດ ວິສຄອນຊິນ, ສະຫະລັດ ອາເມຣິກາ.
ສຳລັບ ພີຈີເອທົວ ລາຍການສຸດທ້າຍຂອງລະດູການນີ້ ແມ່ນລາຍການ Tour Championship ຈະແຂ່ງຂັນໃນວັນທີ 2-5 ກັນຍານີ້ ທີ່ສະໜາມ East Lake Golf Club ລັດຈໍເຈຍ, ສະຫະລັດ ອາເມຣິກາ.
Photo: PGA Tour
Vilaysone Vilayphone